علي حسب

الميزة الوحيدة في المركب 

انه وسيلة الواحد يعدي بيها لبر

اقصد لمكان تاني

كتير بيبقي مش معرو ف 

حتي ولو نفسك فيه 

وامل الوصول لحاجه الواحد مش عارفها

بيخلي المركب احسن حاجه في الدنيا في الوقت ده

ويخلي شوية موج

اسوأ حاجه في الوقت دة برضة

والأسوأ والاحسن 

بيبانو اكتر في المكان التاني 

وغالبا ما بيبقو نسبيين

علي حسب .... اللي وصل

!!

حركات قديمة

المنظر كالآتي ...
سلك..... من الشاحن للتليفون
وسلك..... من المشترك للمروحة
وفــ وداني سماعات
وافكاري متطوحة
وعيني ع الصب ووفر
وايدي ع الريموت
وسؤال علي بالي فجأة
فاضل كتير وأموت

انا وهيا ... تاني

اي كلام

هو ده اقل وصف للفترة اللي انا عايشها دلوقت

بشتغل كتير وحتي لما بكون معاكي بضيع الوقت

كمان غيرت رقم موبايلي برغم اني بكرهة

وبكرة كمان االشقه اللي هسكن فيها قريب

برغم انها المفروض تجمعنا سوا

وبالمناسبة .. علاقتي بأمك اتغيرت وبقت اسهل

وعلاقتي بيكي بقت لغز بالنسبة لي

ومش بحاول اني احلة

بعيد عنك كسل

بس الليلة دي قررت ارجع لك

وافتح الكتاب عند الصفحة اللي وقفنا عندها

واكتب لك بوست جديد

استنـــــية

BACK AGAIN .....

اتعودت ارسم فراشات
وتدوسي عليها برجليكي
طول عمري بخاف من النهايات
وحبتها اديني علي اديكي

Pic from: flickr.com

هيا مبتمــشيش كــدة

هيا مبتمشيش كده
ولا عمرها بتضحك كده
هيا بس طول عمرها
تملي تتاخر كده

هيا مبتلبسش ده
ولا في عنيها الكدب ده
هيا لما تكون بعيدة
ميكونش شوقها بارد كده

زحمة في الشارع اهي
وعلي كل واحده من بعيد بقول اهي
وعنين تاخدني
وفي النهاية راجع ل دي

هيا مبتمشيش كده
ولا عمرها بتضحك كده
هيا بس طول عمرها
تملي تتاخر كده



7-9-2007

لوحــــــــــــــــدي

انا عايز اكون لوحدي
مش مهم الناس دي مين
اكتب واقرا واحس
وانام والناس صاحيين
انا عايز اكون انا اتمتع
أني بعيش
وعلي رأي عم عمر
مش عايز اغير كون وعايزة ميغيرنيش

بوسني

بوسني لحد الصبح م يطلع
لحد م كل الناس هتشوفنا
بوسني
واوعي تداري كسوفنا
من لون الشمس اللي بتغمز ليا وليك
يعني حرام اتمتع بيك
ولا انا يمكن ما استهلكش
بس متضحكش
عارفني انا ساذجه
بس عارفني لما بضمك
احساس بالحب بيوصل ليك

يعني مش جاية النهاردة

بصي هما البنات نوعين
نوع بيحب بجد .. ونوع بيحب بجد
وانا بقالي معاكي 365 يوم مضروبين في تلاتة
يعني حوالي الف يوم
عرفت فيكي الف نوع من البنات
وبصراحة معنديش استعداد اعرف فيكي شخصيات تاني
اصل انا مش سيناريست هحتاجك في اكل عيش مثلاً
ولا انا حتي شهريار
وعايزة واحدة اكمل معاها حكاوي التاريخ
انا انسان عادي جداً
بس احب اقولك .. انه صابني الملل
ومتحاوليش تقولي من ايه
من تغيير الشخصيات .. من قلبي اللي بغيرلة نظامة باستمرار
من شمس بتبقي فوسط الليل .. وفجاة تبقي نجوم في نهار
بصي انا رايح اعزم نفسي عند بتاع الفول
اهو منه افطر
ومنة اقولة انا خدت قرار
احب اقولك انا مش عايز اشوفك تاني
ياللي بشوفك في الاحلام

ليل صعيدي ..جداً

بص بتركيز جوة الليلة

فية نجمة بعيدة

فية ضلمة كتيرة

فية احداث بتحاول تلقي صدر حنين

تكبر فية

وفية احداث بتحاول تهرب برة الليلة

جاك ستين نيلة

مش عارف تمسك ولا حاجة من دول

----

.

.

.

.

الصورة من اعمال فنانة الجرافيك سارة ضو

قرار .. انتحار

دلوقتي تقدر

تبص للشمس بكل وضوح
متتكسفش

هيا عارفه تفاصيل كتير
عن ليلة امبارح
اللي قضيتها مع واحدة

لاول مره تجيلك البيت

ومشيت مكسورة
وانت فضلت تحكي لــ ليلك
عن تفاصيل جوة الصوره

الصورة اللي راسمها لنفسك

ومش عارف ابعادها
مش عارف اذا كان الكادر ده ليك .. ولا لواحد تاني الصورة
انت متعمد تنسي
تلبس نضارتك الشمسية النهاردة
علشان كدة حكاوي الشمس بتكسر عينك
في اول مرة تتواجهو .. بتقولك حاجات كتير جواك
متعرفهاش انت عن نفسك
بتقولك كل اللي في نفسك
واللي اديت لاكثر من 100 مومس فلوس
علشان يقولهولك
ومع اول تكة لقفل الباب بتكتشف انه كدب
حاول تسمع !!
شعاع الفجر الاول .. ليومك الاخير مع نفسك
انت انسان عشوائي .. بكل معاني الكلمة
بتحاول تلم خيوط العشوائية وتحولها لنقط نظام
بتتنظم أه بس بتنسي ان الغلط
بيوصل لغلط في الاخر
وبتعافر
وبترجع تلم الخيوط تاني
باكبر قدر من عشوائية النظام
بتنجح .. بس في الاخر بتفشل تاني
بتلم الناس حواليك بتحاول ترشيهم
علشان يبينو لك ان ده .. صح
صح
سيبها تكمل
الزاوية اللي انت حاصر نفسك فيها
بتقول انك عظيم

عظيم
بس مع اول دمعة لبنت في سن العشرين
رمتها ظروفها تجيلك البيت

بتكتشف انك تافهة
وتعالج الموقف بكل عشوائية
تديها فلوس وتمشيها
وترجع تجلد ذاتك من تاني
الساعة داخله علي 7:15 الصبح
ودة المعاد اللي انت ادتهولي
علشان امد ايدي في جيب البيجامه الكحلي
واطلع اخر شفرة هتستخدمها في حياتك
واقولك من فضلك امضيلي علي قرار انتحارك
..

علشان ... مش مجمـــــع

اصحي تسعه مش مهم

اصحي تسعه مش مهم
المهم الحق انام قبل ما الساعه ترٌوح
قبل ما كل العقارب تكسر القزاز بهٌم
وتهاجمني بالشظايا
اصحي تسعه مش مهم
المهم الحق جراج للجفون
واركن اللنسزس هناك
جمب عدسات العيون
واطفي نور الشقه اللي
ساكنها عفريت الدماغ .. والصداع
وكبسولات الاسبرين .. والم اعقاب السجاير اللي فيها منتورين
اصحي تسعه مش مهم
المهم الحق الملم ذكرياتها .. جوه قلب خرده وقديم
الحق ادعي علي مامتها ..وادعي علي كل الحريم
الحق انسف جبال زهايمر
عايزه تنسيني حكايتها
عايزاني انسي ..بوس اديها في بلكونتها
اصحي تسعه مش مهم
المهم الحق اراجع .. كل حكاياتي النهارده
واعدل الكوبري اللي باظ
وافتكر بيت من قزارز
الحق افكر انا عايز ايه
انا بكتب ايه
مــ تسعه فاتت خلاص يانجم




3- انا باختصار

وبحب السكوت للناس
وبحب الكلام عني ..
وبحب اللي يقول
للناس يتكلمو بعيد عني ..
بحب الوحده احياناً
بحب احس واتعلم ..
بحب حبيبتي ..
لما تكون مخلياني اتألم ..
بحب ارفض سنين واقع
تدمرني .. واموت كل اما استسلم ..
بحب واحلي حاجه في الحب ..
لما لما الاقيه بيقتلني



5- حبيتك

حبيتك ولسه بتمني اكمل

وارتحت في حضنك من الاول

حبيتك اه لكن مالي

فجأه حسيت اني نسيتك

حسيت قلبي.. مش بيتك

مش سامعك.. مع اني ناديتك

مش عارف احدد احساسي

قلبي وهوائي.. انا عارفه

سامحيني لو كنت اذيـــتك

6- فراق

بهرب من صوتك
بهرب من صورتك
بحرقها في هيئه دخان
في سجاره وشاي
بهرب من حب بيكبر
وفــ عقلي بيموت
تفتكري راح ينفع اقولك
انا عايز حضنك دلوقتي
او عايز اموت

7- زي م اتفـقـنا
بكره الصبح بدري
هتحتـفلي بفراقـنا
وتديني اللي ليا.. وتاخدي الللي ليكي
ولاول مره نغيب عن بعض
ونريح ناس ياما حوالينا
واحنا اللي مالينا.. مالينا
زي م اتفـقـنا
هنجرب طعم البعد


9- الملل
يمكن اهرب من الملل
يمكن اسكر
و انسي الحروف
انسي الجمل
محتاج احب
يمكن غرام يخلي قلبي يتلهي
رد قلبي وقال بحزن
مــ الحب هو
سبب الملل

!!!


11 – مودي

مودي النهارده زباله
يمكن وقفه مع النفس
مودي النهارده زباله
قليل من التفكير
مع احساس غريب بالكره
احساس غريب بالشر
بالبخل ف الاحساس
و انعدام الــــــــــــدم
ايوه معنديـــــــش دم
لــــــــــيه الاكتـــــئاب
وأنا مش شايل هـــــــم

12 – واحدة بحبها

واحده بحبهاقاتله غرامي
بجهلهابـرعبها
من بكره واللي هيجري فيه
...واحده بحبهاحجتها دايما اهلها

رغم ان القلب قلبها
وحره فيه
...واحده بحبهامتغيره
متحيرهواللي ناقصها ضفيره وترجع
طفله تاني منها بعاني

بس راضي افرح بحب عارف اخرته

هتنساني عشان بحب بس

وترضي بواحد عايزاه امهــــــا
واحده بحبها


!!

14- انا باختصار

ساعات بتخبي واهرب مني

واقطع كــــــل علاقتي معايـــا

وفجأه اسامحني

بخرج من الحاله المسوده

وع الهامش اكتبني بدايــــه

الدم بـــيحـــن

ولا انا بتجــن

احترت انا فياواحتار برضو كتير ويـــــايا


15- الي الريس

رغم ان حياتي مليانه بوشوش .. ووشوش

ناس وشها فيه دم

وناس ياما وشها مغشوش

بحب احن للغلطه واكررها

واصدق نفسي واخسرها

واكل ناس تجوعني

واقولها وشوش بغيرها


17- جيران

كلميني الصبح بدري
قبل م اصحا او انام
كلميني ومش مهم
ساعتها تبقي الساعه كام
...
كلميني قبل م السياف يجيني
ويقطع رقبتي وسط الزحام
...
قبل م سجايري تخلص
او.. افوق من الحشيش
ولا اقولك .. غطي جسمك
و اقفلي البلكونه حالا
جيرانا صحيو .. متتكلميش

فلسفة وجودية جــــ2

1- مطب صناعي
منظر طبعا عدا عليك ... وشوفتة أكيد اكتر من مرة
حاجة بتبقي ملك ايديك... وحد ياخدها وتروح برة
زي مــ تحلم ...وفوسط الحلم تقوم من النوم
زي مــ تبني... واللي بنيتة يتهد فيوم
زي مــ تعشق تعشق تعشق.. وتحضر فرحك لكن .. معزوم

2- يوم في ايديك .. ويوم ....
مصر وقالو عليها النيل
مصر وقالو عليها حضارة
نسمع دة في قناة النيل
لكن الجد مصر .. خيارة

3- يعني
بقالي زمان مجبتش سيرتة في أشعاري
يمكن علشان انا مش داري... ومش بكتب اصلا
او يمكن علشان بستعبط ...وانا عاقل جداً
او يمكن علشان اللي ان عايزة دايماً مبيجيش
بصراحة علشان اتفلسف عنك .. ياحشيش

فلسفة وجودية ... جــــ 1

-1-

مشكلتي اني لما باكل

بنسي ان الاكل ده مش كلو ليا

تمام زي اما احب

بنسي ان البنت دي بتسلي بيها وتتسلي بيا

-2-

نفسي أساعد كل اللي محتاج مساعده

مــ ربنا هو اللي كاتب .. ويادوب أنا وسيلة مساعدة

-3-

وانت معدي الشارع خد بالك م العربيات

متفكرش كتير في همومك

ومتحسبش كتير في حاجات

وانت معدي الشارع .. فكر في نصيحه

قالهالك واحد من الاموات

عــدنــــــــــــــــا

ياريت احبك من جديد
ياريت ارجع ذكرياتي ويا ليلك
دخان سجايري اللي طار
قهوة ذياده خط سيرها لجوه قلبي
مسجات كتيره بتتمسح .. علشان يشيل موبايلي غيرها
ياريت ارجع ذكرياتي ويا ليلك
دبلتك اللي اشترتها في شهر 9 اللي جاي
وشقتي اللي كل عفشها سجادة زرقا
وسيناريوهاتي اللي اشتراها نور القمر
ياريت ارجع ذكرياتي ويا ليلك
يارتني ارجع سطح بيتنا واتفرد
واحضن الدنيا بأديا
أو حتي اروح ع البحر أشوفك
في اللي جاي
ياريت ارجع ذكرياتي ويا ليلك
ارجع اشوف فرحة عيون الناس صحابي ع البلوج
وهما سامعين اللي حاصل
ارجع اشحن قلبي اللي من زهقة فاصل

ممنوع من... النشر

--

عديت بحبك فوق جبال الالـب

ورجعت منه بطعنتين في القلب

الاولي انك كنــــــت زي اللوح

والتانيه انك أبن ستين كــــلب

----

علشان انتي منعاها من

النشر .. وانا

مش قادر اكتب جديد اليومين دول

فتعالو اعزائي المتابعين

نستمتع بـــ مي لما بتبدع .. وادعولي ارجع قريب

مش عارف

يعني هتنام .. ده جوابك النهائي
ده قرارك بعد الف كلمه ليا
دي الخلاصه والرصاصه ..
اللي هتقتل شوقي فيا
يعني هتنام ..
ده جوابك النهائي
وتسبني وحدي اسمع منير
تسبني اكره في الحرير ..
اللي لابساه فوق مشاعري
قصدي اقولك بيه تعالي
وانسي اغنية منير
يعني هتنام ..
كان ايه لازمة الشموع ..
والعشا الرومانسي ده
فيروز بتهرب من مراسم كدبتك
ونزار بيوصف الظلم ده
وانا قاعدة جمبك بحترق
قوم جاوبني ارحم مشاعري من كل ده
يعني هتنام

اصحي تسعه .. مش مهم

اصحي تسعه مش مهم

المهم الحق انام قبل ما الساعه ترٌوح

قبل ما كل العقارب تكسر القزاز بهٌم

وتهاجمني بالشظايا

اصحي تسعه مش مهم

المهم الحق جراج للجفون

واركن اللنسزس هناك

جمب عدسات العيون

واطفي نور الشقه اللي

ساكنها عفريت الدماغ .. والصداع

وكبسولات الاسبرين .. والم اعقاب السجاير اللي فيها منتورين

اصحي تسعه مش مهم

المهم الحق الملم ذكرياتها .. جوه قلب خرده وقديم

الحق ادعي علي مامتها ..وادعي علي كل الحريم

الحق انسف جبال زهايمر

عايزه تنسيني حكايتها

عايزاني انسي ..بوس اديها في بلكونتها

اصحي تسعه مش مهم

المهم الحق اراجع .. كل حكاياتي النهارده

واعدل الكوبري اللي باظ

وافتكر بيت من قزارز

الحق افكر انا عايز ايه

انا بكتب ايه

مــ تسعه فاتت خلاص يانجم

بما اننا مصريين زي بعض .. ازاي تعرف المصريين

س : بما اننا مصرين زي بعض .. ازاي تعرف المصريين؟؟

من عبق الطبيخ

الحصار الانشطاري . . البعيد عن للالتواء اللاكتوزي الغائص في اشياء بعيده عن المضمون الاصلي للموضوع يدعنا نبحث .. عن ايه اللي بنقولو ده .. ولو مش مصدق اني الواحد لما بيكون جعان بيكتب حاجات مشبعه يبقي انت مروحتش مارينا قبل كده .. ده غير ان العربيات الهامر زي عربيات الجولف لما ا تكتشف ان الاتنين في الاخر انهم بيمشو علي عجل .. والعجل بيسموه في موقف ميت عقبه عربيات يعني الحكومه غالبا ما بتقفل ميدان لبنان لما اي طيار لبناني يعدي علشان اكيد الميدان بتاعهم .. ده غير طبعا شارع سوريا اللي بيودي علي شارع شهاب واكيد ان احنا دلوقت لو رايح ع المحور فمن الافضل ان تخرم من سكة المنيب علشان تعرف تشوف الاهرامات من المعادي ..طب ده كلو ايه علاقته بالصبر وايه علاقته الجبنه النستو بالعيش الشامي وايه علاقه احمد نظيف بموضوع خطوبتي في شهر سبتمبر اللي بعد اللي جاي بخمس سنين وايه علاقه الالفيه الخامسه عشر بالتطور الطبيعي للحاجه الساقعه . وليه الحشيش بيشربوه دايما يا اما في سجاير يا اما في اخر شارع طلعت حرب وايه علاقه احمد مختار عاشور بالاتنين اللي بيندهو عليه دايما من تحت البيت اللي واقف في ميدان كليه الزراعه اللي في مدينه نصر .. ع العموم اللي خلاك تقرا اللي فات ده كلو هيديك امل كويس انك تقرا اللي جاي ده .. يعني لما الواحد بيحس بالم في البطن غالبا ما بيحس بالم جامد في العظام وبيحتاج يروح يعمل اشعه مقطعيه علي سنانه عند اي دكتور نساء وتوليد شاطر يعني من الاخر لو انت معاك اخر سجاره ف العلبه .. وحد صاحبك طلب منك سجاره . ارمي العلبه بالسجاره واحرق دمكو انتو الاتنين ..؟

حركه .. من اجل التهييس

بعد قصة حبها احساسها كان

زي احساس الشوارع
وهيا نايمه فعز ليل
وعدي حد .. فعز نومها
عايزه تلعنه .. علشان قلقها
بس هتعمل ايه .. هيا دي بقت حياتها
تعدي الناس في اي وقت
ومش مهم تنول راحتها

فوائد ان تتزوج مدخنه ؟

لو حبيبتك قالت لك هات سيجاره .. متقولش لأ .. اقرأ الموضوع الاول؟؟

فجاه وانت قاعد مع حبيبتك –مراتك مستقبلا – تروح راميه في وشك الكعب ده وتقولك عايز اجرب اشرب سجاير طبعا بلاش تستغرب ولا تبدي اعتراضك انت لسه من شويه رامي كعب للحريه وعاملي فيها قاسم امين وباعدين ايه العيب في كده مش انت لسه رامي اخر سيجاره ومع طفيتها بتقول .... اللي بعدها ومستمتع في الموضوع ماعلينا خلينا نتكلم بشكل واقعي انت خسران ايه بالعكس الموضوع كلوه فوايد اسمع كده

..
اول فايده في الموضوع انك بعد كده انتو وقاعدين مع بعض- ده قبل مرحله الجواز - مش هتشيل هم تعمل حسابك تبص علي علبه سجايرك فاضل فيها قد ايه لزوم القعده لانها ببساطه لو خلصت هتاخد من سجايرها ومش بعيد تسوق فيها وطول القعده تاخد من علبتها وتحافظ علي علبتك الي اقصي وقت ممكن وباعدين متنساش البنات اغنيا واكيد هتلاقيها جايبه LM او مارلبورو علشان خفيفه ونضيفه اهو فرصه تنضف صدرك من كوكو الضعيف اللي بتشربه طول الاسبوع

..
تاني فايده ودي غالبا م هتكون بعد الجواز انك مش هتشيل هم تجيب كبريت في البيت او تقوم فعز اليل تدور علي كبريت او ولاعه البتوجاز او تفضل تولع سيجاره ف التانيه علشان مكسل تجيب كبريت ببساطه هتلاقي سجايرها وولاعتها جمب السرير او في اقرب حته في البيت بدل م كانت هتخبي الكبريت عنك

..
تالت فايده ياريس ودي الفايده العظمي انك هترتاح من المواعظ الدائمه بتاعت اضرار التدخين وجمل من نوعية .. بلاش سجاير في البيت بتخنق ، او قوم افتح الشباك ، بلاش علشان الاطفال ، كل ده يا معلم تاكد انك مش هتسمعه لو هيا زيك بتدخن برضو بالعكس هتسمع جمل كنت بتتمناها من نوعيه روق يا حبيبي تاخد سيجاره طب تعالي نعقد في البلكونه ننفخ همنا

..
فايده رابعه عمليه ممكن تلاقيها برضو لو كانت بتدخن انك هترتاح من خنقاتها الدايمه لانك بتطفي السجاير علي السجاد دايما فيهبقي الحال من بعضه يا معلم ده بالاضافه ان انت مش هتقوم تقلب الدنيا تدور علي اي طفايه وارفع شعار العزوبيه طفي في اي حته ومن هنا لحين ما ربنا يسترها وتتلمو في شقه حاول دايما تشجعها علي الفكره دي وعلي راي واحد صاحبنا خليها تشرب سجاير خفيفه علشان متهنجش منك بسرعه ؟

مين الغلط فينا ...اكيد حد تاني ؟؟

حبيتك ولسه بتمني اكمل
وارتحت في حضنك من الاول
حبيتك اه لكن مالي
فجأه حسيت اني نسيتك
حسيت قلبي.. مش بيتك
مش سامعك.. مع اني ناديتك
مش عارف احدد احساسي
قلبي وهوائي.. انا عارفه
سامحيني لو كنت اذيـــتك

لا تعليــــــــق

الاحباط
.. له اصوله يا معلم
اولها المود
والناس وحدود
وكلام ياكلك زي الدود
الاحباط
.. له علاجه يا معلم
تنفض لكل الناس
او للوقفه تستسلم

بعد الفـــراق

بهرب من صوتك

بهرب من صورتك

بحرقها في هيئه دخان

في سجاره وشاي

بهرب من حب بيكبر

وفــ عقلي بيموت

تفتكري راح ينفع اقولك

انا عايز حضنك دلوقتي

او عايز اموت

الحياه فاصله شحن ..؟

فيه حاجات ياما

لما بتخلص
بتحس ان الدنيا بتمشي
وحاجات تانيه

لما تروح
الدنيا بتعرج بس بتمشي
لكن لما تحس

الدنيا خلاص وقفت
يبقي اكيد فيه
حاجه بتضيع او حب بيمشي

متعقده .. دايما

بصي ..
علشان تبقي عارفه
الكلام اللي قولته
كان كلو صح
فعلا اللي مابينا
كان منصوبله فخ
ووقعنا فيه .. عارفه ليه
دخل ما بينا تالت
وكان تالتنا فرح

COMING SOOOON

ماليش نفس اكتب بصراحه اليومين دول

اصلي حلمت والله واعلم اني قاعد في مكتب محترم

وعندي جهاز ونت وقاعد فاضي طول الوقت

ومع ذلك يا عيني مش عارف اكتب

والكيبورد عماله يا عيني تنادي وانفضلها

وزميل عزيز حكتله الحلم النهارده الصبح ..راح قالي انت

حلمته باليل ولا الصبح

قولتله انا حلمته ع الساعه عشره الصبح

قالي يبقي ده رؤيه من عند ربنا

علشان كده حلفت ميت يمين اني محتجب الاسبوع ده

او يمكن اسابيع كمان عن الكتابه لحد م ربنا يفرجها بجديد

وبالمره ندي فرصه لعاشور يكتب الاسبوع ده

يا عيني عليه احتجب الاسبوع ده علشان فرق المستوي طبعا(ههههه) ميرضنيش

برضه نطفش قراءه منه

استنوني وقولو يا مسهل

-------

ملحوظه: ابقو هاتو البلوج من الاخر و القديـــــــــــــــــــــــم فيه حاجات كتير محدش قراها

وابقي تعالي بالليل

تفتكر ان البلد دي باليل تبقي عامله ازي

اكيد احسن من بالنهار بكتير!!؟

لو جاوبت كده تبقي غلطان يا معلم لان البلد دي ليلها زي نهارها بالظبط

بالعكس ليلها ممكن يبقي ازفت بكتر

باليل ممكن تلاقي الجماعه بتوع مطبخ السياسات بيطبخو في حاجه جديده يا معلم ومتكلفه

ومش هيغلبو في الكلفه مخازن الحكومه مليانه بكل ما تشتهيه الانفس من اول البني لحد الفيجا قريت مره خبر عن امين مخازن منسق مع كبير وبيبعو بضاعه وباعدين يقبضو علي باعو لهم بتهمه الاتجار وترجع البضاعه تاني المخازن

وتتباع تاني ؟؟
ممكن باليل برضو تلاقي نشاط ملحوظ في مناطق الهرم وجامعه الدول وكفر طهرمس -سمعت عنها دي منطقه جديده لبنات هاله سرحان في مصر-حيث يتم في هذه المناطق استسمار العماله المصريه في جذب العمله الاجنبيه للاقتصادي الوطني وشعاره الاخضر(واخد بالك انت)؟

باليل برضو ممكن تلاقي شباب تعبان من اللي بيكتب عنهم صديقي فبركه تعبانين يا عيني في مراقبه حركه بنت الجيران التي لا تغلق شباكها ابداً اثناء استماعها ل تامر حسني في ليالي الصيف الحاره.. والجاره الاخري التي تعدت الاربعين ولازالت تقوم بمراقبه رد فعل الجمهور علي شكلها بعد قيامها بعمليه نفخ صدر

باليل ايضاً هناك الف من يتمني انه م يخلصش زي عساكر الحكومه المستمتعين بتعذيب احد المعتقلين ليس الا علي سبيل تضييع الوقت اثناء النوبتجيه الرخمه وعلي سبيل تحليل اللقمه والمرتب

باليل برضو ممكن تلاقي شباب مقضايها حريم في شقه كريم صاحبهم اللي ابوه في كندا وامه في امريكا بيعملو فلوس ممكن تلاقي برضو شباب زيهم شغال في مصنع البان بيعمل الخلطه السريه لمسحوق اللبن بالسيراميك..ممكن تلاقي برضو ممكن تلاقي واحد تعبان زي حالاتي عمال يكتب في حاجه ممكن يقتنع بيها انه بيعمل حاجه في بلد عايزه منطقه زمنيه بعيد عن توقيت جرينتش والعالم كله لانها باختصار : : مش هتقدر تغمض عنيك:؟

ـــــــــــــــــــــــــــــــــــــــــــــــــــــــــــــــــــــــــــــــــــ

الصور:: للفاجومي احمد فؤاد نجم ،ونجيب سرور

الناس دي جابت من الاخر لو انت راجل متابع

صوره وكومنت

الحشيش يرجع البانجو لمكانه الطبيعي

الصوره اهي وكمنت انت يا معلم

؟؟

اوحش الكائنات.. بس دمهم خفيف

عن كرههم اتحدث

ـــــــــــــــــــــــــ

ليه البنات منتفتكرش ان طرحتها مش مظبوطه غير قدام ولد امور معدي قدامها

ليه البنات هما الكائنات الوحيده اللي بتعرف تستخم الاندر وير في اخفاء الفلوس او ( البوك)!؟

ليه البنات هما الكائنات الوحيده برضه اللي لو لقيت مشبك واقع ع الارض توطي تاخده
ليه البنات ليه البنات دايما كل حوارتهم مابين بعض في حاجات هايفه دايما
ليه برضه بيكرهو بعض جداً لدرجه انها متسامحش واحده تعرفها

أستأذنت منها وقفلت السكه بعد وصله رغي لمده نص ساعه بس

ليه البنات بيحوشو في جهازهم من وهما عندهم 12 سنه بس
ليه البنت تلبس محزق وقصير ورغم كده تفضل تشد في هدومها علشان تدراي نفسها.
ليه برضه البنت تفضل انها تروح مشي مشوار طويل وتشتري حاجه مش عايزاها باخر فلوس معاها
واخيرا سؤال سؤال ل عمر طاهر يقول :ليه البنت لازم تسرح شعرها قبل م تنام
؟؟؟

التوربيني فاهم ..ورزق مبيعرفش

في افتتاح فيلم التوربيني

ــــــــــــــــــــــــــــــــــــــ

احمد رزق وشريف منير ..وحوار نضارات

نضاره شريف منير: اهو دلوقت انا عرفت حنان سابتك ليه مش علشان تخس زي ما قالو

لا اكيد علشان متطرش تدفع مرتب فني اضاءه لاوضه النوم

نضاره احمد رزق: طب متجوزني بنتك الكبيره.. وانت اولي بمرتب فني الاضاءه

صوره لــ: شريف صبري

عن البوس نتحدث

فانتازيا سنوات سابقه
ــــــــــــــــــــــــــ
داخل احد الشقق بشارع جامعه الدول العربيه
ترتدي مروي ملابسها وتقول :عرفت اللي فيها ..انت بتاع كلام وبس وعند الجد بتهرب مني خلاص يا
محسن انا مش عايزه منك حاجه خلاص
محسن: منتي يا مروي مكنش لازم تحطيني في الموقف ده منغير مقدمات
مروي :وانت يعني صغير علشان تتكسف مني وتخاف
محسن :لا مش صغير بس استغربت موقفك
مروي :وايه الغريب يا عم انت .. د انت لسه خام قوي متبقاش عيل (...يض) ؟
محسن: ايه
مروي وهي تستعد للخروج من الشقه : وانا اللي فاكراك (.....)؟
قطع
هذا وبعد مرور عامين علي هذا المشهد تناقلت الهواتف المحموله بين الشباب كليب محسن، وتم طرح الاغنيه الشهيره الصراحه راحه

واخرتهـــــــا

ارتاحي

يا غيرتي
وانتي لعيونهم ادي

ده الموضوع اكبر.. بكتير

من زعله مابينا وهتعدي

الموضوع محتاج تقصير

ونخلص الحلم الوردي

هتجوز واقعد ف البيت

مع كل طلعة شمس
بقتل عفريتي الليـــــلي
وارسم طموحاتي في نيلي
واكلم امي فـ التليفون
واقولها والنبي تدعيلي
مع كل طلعة شمس
بجهز افكار في دماغي
والكاميرا اهي تحت دراعي
وورق الدشت بصــــــــفاره
متخانق مع كلََُو صباعي
مع كل طلعه شمس
بلاقيني هربان من الكل
وسريري من قعدتي مل
ومكسل اخــــــــد خطوه
وبرغم ده كلو
عمال اقول مش لاقي شغل

النــــــــــــــوم

فتوغرافيا واحد صاحبي- خدها بالصدفه ... إهداء خاص لـ اسامه سامي كلام لوجيك حالياً

فراق.. كده وكده

زي م اتفـقـنا

بكره الصبح بدري

هتحتـفلي بفراقـنا

وتديني اللي ليا.. وتاخدي الللي ليكي

ولاول مره نغيب عن بعض

ونريح ناس ياما حوالينا

واحنا اللي مالينا.. مالينا

زي م اتفـقـنا

هنجرب طعم البعد

في دماغي

بشكيلك يا صاحبى منها
و لا عايزك تصالحنى بكلمة

و لا بسجارة

و لا بكاس

ربنا رزقنى بحبيبة

كل الناس بيحبوها

و هى برضه

بتحب كل الناس

.

.

.

.

احمد عاشور

تنهي عن الفحشاء والمنكر

اه بيصلي

وبعد الصلا

يرجع لحالة الاشتباك

يرجع لــ سب الدين

ويسرق

فحته غير الجامع هناك

اه بيصلي

والعيب مش عليه

العيب علي اللي شافه

صلي

ومقلهوش ان الصلا

مش ذبـيـبه وسبحه وسواك

عوده للرومانسيه

محتاج احب

يمكن اهرب من الملل

يمكن اسكر

و انسي الحروف

انسي الجمل

محتاج احب

يمكن غرام يخلي قلبي يتلهي

رد قلبي وقال بحزن

مــ الحب هو

سبب الملل

!!!

ده انا

جيل الأســـــــــف

للأسف

مفيش وقت

علشان نحس .. بالأسف

علي عمر عدي واتنسف
علي حلم كنا بنحلمه وفجأه اتخطف
للاسف
احنا جيل .. كل م الدنيا

في عنينا يوم تقف
ايوه بنقف ..

لكن بنهرب منها لينا
لجينز داب
وتي شيرت زيه.. كوتشي وكاب
لأي حاجه ننسي بيها همنا
وللأسف
احنا جيل مش لاقي سكه
قالو عليه مالوش هدف
للأسف

مصر هيا أمي

-1-

ياناس فيه حاجه انقرضت
او شبه موجوده
بيقولو كلتها الدوده
وناس قالو كلوها اولادها
وناس قالو حاميها حراميها
بس انا
لسه عندي امل الاقيها
الحاجه دي تلت حروف
مــــــ صــــــ ر
لولاقيتوها امانه عليكو
سلمولي عليها
-2-
ياريس مصر باقيلها كتير ونوصلها
ادينا ف النيل بقالنا كتير
واديك سايق بالك رايق
ومتحكم علي الدفه
ياريس شيل الهاند فري دي من ودنك

واسمـــــــــــــــــــــــــــــعني
والنعمه الجوع ده قطعني
-3-
كافتريا الكره.. شارع الخيانه
ميدان محتلو الهم الشعبي
عايز تحرير
شارع فاقده الامل في حي المفسدين
كوبري المظهر
وله دخله في ميدان خربان
ولسه يا مصر بيسموكي

عمار وامان
..

فوتوغرافيا:هيثم ابوعقرب

لكل اللي دبسوني في تاجات بعد م تخلصو

قرايه البوست ده وتقولو رايكو ف الكومنت ياريت

تزورو مجله

اضحك ع الدونيا

وتقرو اجابات التاجات اللي دبستوني فيها

اللينك

http://ed7ak3ldonia.blogspot.com/

مستني مشاركتكو هناك

إهداء خاص ليه وليها

اول مره احسني مخنوق
طب مهو عادي ان اكون مخنوق
بس اللي مزعلني ان المره دي
ان أنا عارف مخنوق من ايه
؟؟
مخنوق من ايه ؟؟
بتسأل ليه انتـــــه وهيا
ولا مش عارفين
ان خنقتي وجراحي
سببها اكيد انتو الاتنين

الكيف علينا حق

كيفك .. ميه .. كيفك ..سبرتو ..كيفك حشيش
ميهمنيش
كيفك..كميا..كيفك ..ابر.. ميهمنيش
كيفك هبل ع الشيطنه
كيفك جنان او فتونه
ميهمنيش
كيفك اكتئاب وفرح مفيش
مهمنيش

المهم تاخد قرار.. بكيـــفك تعيش

مش لوحدي

الصوره بخط اليد للخاطره لحظه كتابتها

مودي النهارده زباله

شكلي داخل علي جرح

او يمكن وقفه مع النفس

مودي النهارده زباله

قليل من التفكير

مع احساس غريب بالكره

احساس غريب بالشر

بالبخل ف الاحساس

و انعدام الــــــــــــدم

ايوه معنديـــــــش دم

لــــــــــيه الاكتـــــئاب

وأنا مش شايل هـــــــم

واحده بحبها

واحده بحبها
قاتله غرامي

بجهلها
بـرعبها

من بكره واللي هيجري فيه

...
واحده بحبها
حجتها دايما اهلها
رغم ان القلب قلبها

وحره فيه

...
واحده بحبها
متغيره

متحيره
واللي ناقصها
ضفيره وترجع

طفله تاني
منها بعاني
بس راضي افرح بحب عارف اخرته
هتنساني عشان بحب بس
وترضي بواحد عايزاه امهــــــا

واحده بحبها

زي البنـــــات

زي البنات

تعرف تداري

تعرف تخلي القلب يسكت

يندم

يموت

بــ كلمه واحده او تصرف

زي البنات

ليها حاجات

تاخدك لاقرب حته ليها

تطمنك

وبعد ما تحس بيها

بالحيا.. راح تدفنك

زي البنات

لكن ياقلبي ..اتعودت تنسي

ودايماً اديها بتفكرك

!!

مستني خيــــــــانه

في وسط الف حاجه غـلـط

بتحصل حاجه صــــــــــح

وفوسط شباك المشـاعر

دايماً نلاقي شيش لجرح

وفوسط قلبي بلاقي حـبك

ويافطـه جمـبه عليها

بــــــــــــــــــــــــح

!!!

شويه حاجات ليها 2

-1-



انا عايزك تعرفي حاجه واحده
ولا اقولك خليهم اتنين
انا حبيتك .. جداً جداً
انا ممكن اسيبك بعد يومين




-2-

المفروض ان العاشق
فــ الآخـــر واحد مـ الناس

له ملامحهم بس بيفرق ف الاحساس
طب منا عاشق
لكن ليه ؟؟
مش فيا حاجه من الناس

-3-

كدبك هو الحاجه الي معرفتهاش فيكي

هو الصندوق اللي مفتاحو ضايع مني

ورغم فرحتي بغيبتو

لكن اكيد راح اعتر فيه

وساعتها هيبقي احساس تاني

احساس بالموت والعيشه ف بعض

هحس كأني اهد الارض

واحفر بأيدي مقبرتين

ادفنك انتي ف واحده

وهــدفن روحي ف الاتنين

!!

حالتي غريــــــــبه

ساعات بتخبي واهرب مني
واقطع كــــــل علاقتي معايـــا
وفجأه اسامحني
بخرج من الحاله المسوده
وع الهامش اكتبني بدايــــه
الدم بـــيحـــن
ولا انا بتجــن
احترت انا فيا
واحتار برضو كتير ويـــــايا

وشووووش

رغم ان حياتي مليانه
بوشوش .. ووشوش
ناس وشها فيه دم
وناس ياما وشها مغشوش
بحب احن للغلطه واكررها
واصدق نفسي واخسرها
واكل ناس تجوعني
واقولها وشوش بغيرها ..

دم.. ومــــــــــــات

ممكن يبقي ندبه في وش
او تعويره لجرح بعيد
ممكن برضو يكون بالغش
مكياج بايظ لوجه جديد
..
ممكن يبقي دم شهيد
ممكن يبقي دم جيان
او انسان ميت م الجوع
علق حلمه ع القضبان
..
ممكن يبقي دم عروسه
حطه عريسها ف المنديل
ممكن يبقي دم لتانيه
مع دكتور ف العمليات
تطلع منها واحده جديده
تتصدق في دخلتها آهات
..
دم وله ياما حكايات
بس خساره بنعرفها
بعد م يبقي دم وماات

خيانه شرعيه

كلميني الصبح بدري

قبل م اصحا او انام

كلميني ومش مهم

ساعتها تبقي الساعه كام

...

كلميني قبل م السياف يجيني

ويقطع رقبتي وسط الزحام

...

قبل م سجايري تخلص

او.. افوق من الحشيش

ولا اقولك .. غطي جسمك

و اقفلي البلكونه حالا

جيرانا صحيو .. متتكلميش

مشروع نكـــــد

مشروع نكد

كل يوم الصبح .. يبدأ بفكره مجنونه ومزاج

بمسج رومانسي ع الموبايل

فــ آخره مكتوب المعاد

..

مشروع نكد

له دراسه جدوي فاشله

و الكا شات صعب ومفيش

و البت زهقت من الكورنيش

والحاله ضنك.. اما الغرام ف جيوبه لها ريــــش

..

مشروع نكد

اخره رميه ف مكروباز .. شحات بيخبط ع الاقزاز

سواق بيقول ده الاخر

البنت تنزل فرحانه قال بلمسه ايد

وانا امشي تايهه

كان نفسي والله فـ بوستين لذاذ

..

الاحلام ها تيجي.. بس الناس فين؟؟

-1-

اول بيان

--

بعد السكوت الي فعنيا

والحراره الي ف اديكي

يبقي لازم نشوف تابوت ويقفلوه عليا وعليكي

وننسي الزمان بره التابوت ونسيب ايدينا تدوب حنان

-2-

تاني بيان

--

بقالنا اكتر من يومين

عايزين نقف لكن ماشيين

ولاقينا تابوت مكتوب عليه بالانجلزي

For Sail

قلت هاته .. قال بكام

قولته .. معييش فلوس تاخد حنان

-3-

تالت بيان

--

قالت تعالي نستريح

علي حضنها .. ضمتني جامد قلبي استريح

وصحيت لاقتني قاعد لوحدي

ولاقيت تابوت

بس فين حبيبه زمان

-------------

اهداء خاص الي

قصاقيص

-------------

طبع الشتــــــــا

-1-

علي جمب الكنبه... سرحانه

لكن ملامحها مش واضحه

يمكن حزنانه

لكن ليه حزنها مكتوم؟؟

-2-

زي المطره فعز الشمس

بستغربها !! وصعب تلاقي ليها تفسير

غير كلمه ليه

ومفيش رد ؟؟

-3-

اهي غطت نفسها من البرد

وملامحها اهي اتدارت

تحت الغطا

م الحزن اصله طبع الشتـــــــــــــــــــــا

قصاقيص مرضيه

كل ما اشـــــوفك

مش عارف ليه كل ما اشوفك

بيجيني صداع

واحس برجليا تنمل

ويوجعني صباع

وبطني يجلها مغص جامد
وضغطي يعلي ويبقي بتاع

--

كل مره تناديلي

تحصلي حاجات

بالقي النبض يخبطني

ويعمل حركات

وقلبي يحلف ماهو ساكت

لو حتي خد مرهم كريمات

--

جت سليمه المرده دي ومعايا برشام

علشان دايما كل م اشوفك بيجيني ذكام

ومناخيري تسيل ..واحتاج مناديل

نظره عينك كلها عدوي وفيروس فكلام

--

روحت لدكتور وكان شاطر يشوفلي حلول

حكتله الحاله اللي انا فيها راح جاله ذهول

وقالي ياريت لما تشوفه

تاخد محلول..

الصعيدي رجع تاني

احمد عطاالله يجلس كالفراعنه بعد انتهائه من انتهاء الهرم.. اسف الديوان

احمد عطاالله الصحفي والشاعر الجميل يستعد الان لاطلاق ديوانه الجديد

بعنوان اربع بوسات علي الرصيف -ازاي صعيدي وازاي يتكلم عن الحب الحب والبوس البوس

حاجه غريبه بس مش اغرب من شخصية عطاالله بعد م كتب كتاب عن الصعايده

وجمع فيه معظم النكت الي عليهم واللي كتبه في جريده اضحك للدنيا وشوية حاجات تاني

قرر انه يجمع الي كتبه في اتوبيس 7 عمرانيه -عتبه واللي كاتبه في شقته وتجربته الفاشله مع واحده فرقعته

يعملهم ديوان.. وخلص الديوان.. بس فيه مشكله

بما انه صعيدي مبيفهمش في النت قوي اصر انه يعمل مدونة فيها الديوان

بس بعد محاولات فاشله مع النت معرفش ..وبما اننا صعايده زي بعض

اتوسطناله عند الجماعه بتوع بلوجر واتعملت المدونه

وزوروها علي اليلنك ده

http://arb3bosat.blogspot.com

ا 4 ربع بوسات

متنسوش الكومنت عايزينه يفرح يا جدعاااااااااااااان

شهرزاد وشهريار 2007

وليله وليله منغير الف

سهرانها مع عيونك وديك مقتول

عشان ليلي يمد يطول

ومصحاش فجأه

علي صريخه بينهي الليل

وليله وليله وياكي

بعتنا شهرزاد المول

وشهريار زمانه سهران فأي كافيه

وسيبك انتي من الحواديت

حطي السديهايه في الدي في ديه

وليله وليله ف عيونك

نسينا الدنيا حوالينا

واما اتلاقينا بعنينا حصل زلزال

خلي كل جواري القصر هربو بعيد

وسيافك خلع ومجاش

انا مستناش

خدك جوه احضاني مهو مفيش حد

وعلي شفايفك فضلت اقول

انا ياقاتل هنا يا مقتول

ميك آب

متخــنقنـــــيش
وميت مره بقولهالك بلاش ميك آب
بلاش الروج علي شفايفك

بلاش التوكه دي فشعرك

بلاش دبلتي فايدك
بلاش تدمري عيونك بحبه لون

متخنقنيش
منا اصل بخونك
مع مليون واحده حاطه ميك آب
واول م تجي عندي في الشقه
بتاخد دش
ويضيع الكدب.. يبان الغش
ويبقي جمالها زي القهوه منغير وش
متخنقنيش
منا متربي معاكي ف البيت
وشفتك ياما علي طبيعتك
وانتي مشمره هدومك
وبتغسلي مع اختك

متخنقنيش

وقوليلي ايه بيتغر لما

بنتقابل بره البيت

مش انتي هيا انتي

وانا ببقي رومانسي واقول حواديت

متخنقنيش

واخر مره اقولهالك بلاش ميك آب

بلاش تبوظبي ملامحك بكام فرشه

ولا انتي عاجبك يعني

تكوني زي بتوع الشقه

البنات تاني وتالت ورابع!!ـ

هـيا كــــــــــــــده البنــــــــــات

مـن يوم مــ اتخـــــــــلق الكون

ممكن تحزن علشــــــــان كلمه

وممكن تفرح علشــــــان جون

ممكن تعشق بكل مــــــــا فيها

وفـنفس اللحظه تكـــون بتخون

مليانيين عجـــــــــــــــــــــــايب

وتــنــــاقضات فظيـــــــــــــــــعه

بحبــــــــهم ســـــــــــــــــــاعات

وكتيـــــــــــــــــــــــــــر بقـــــول
قطيـــــــــــــــــــــــــعه

------

خطيبتي

الكتابه بأثر رجعي

الغريبه ان انت.. مني
وهيسرقوكــــــي
هيخطفوكـــــــي
غصب عني ـ!!ـ
وبوكس الحكومه واقف هناك
بنده .... يطنش
انده .... يطنـش
وبيضربوني.. ودافعت عنك
دافعت عنك ..نضارتي وقعت
مبقتش شايف
وبعد ايه
جالي الامين
بصتله بأحتقار
وكسرت نضارتي اللي ادهالي
اصلها هتفيد بايه
والنهايه خدوكي مني
وبوكس الحكومه واقف هناك
انده .... يطنش
انده .... يطنش
انده .... يطنش
انده .... يطنش
----!!!!!----
اقربهم وسط البلد
ياتري كام واحد ف البلد حصلو

كده

ما يصعبش عليك غالي

بعد الـلـــــــي قالــــــــتـــــــــــه

حد ياخـــــــــــــدها بعـــــــــــيد

عـــــــــــــن عينــــــــــــــــــــي

اصـــــــل انا حالف بربي وديني

لو ايديــــــــــــا طالـــــــــــــتها

هضـــــــربها قلــــــــــــــــــــــم

وراح احضنها واقول سامحيني

هو لسه فيه امل ؟؟

شمعه وجورنــــــــــــــال وموبايـــــل

ومج نسكافيه مش شايفه من الضلمه

والجرنال في ايـــــدي

مش شايف منه كلمه

رضيت انا بحال .. ومثلت علي نفسي

وفرحت بالشمعــــــه

الهــوا طـــفا الشمعه

والضلمه بقيت طحن

افتكرت أنور موبايلي

لاقيته فاصل شــــحن

الدور ... الدور

خلصت من واحده فاضل بقي

لتانيه

اقولها اي كلام وتخلع بعيد عني

وارجع هناك تاني

اشوفلي واحده جديده

اديلها عنواني

وتليفونات بيتي

وموبايل الجيران

واعيش معاها قصه .. ونزوغ سوا ف مكان

من كدبي .. تحضني

وقلبي يتنطط

ويادوب هفهـمها

الظابط عــ القزاز خبـــــط

فوت علينا بكره

حاجات كتير بحتاج لها

لكن بأجلها لـــ يوم تاني

واقول خلاص مش وقتها

لحد م بنساها وتنساني

انتي وانا ضاعيين..ضايعين

تيجي نلعب لعبــــــــــــــــــــــــــــه

تيجي نلعب يلا عريس ..وعروسه

تيـــــــــجي انســــــــــي الفقـــــــر

وتـنســـــــــــــــــــي عنـــــــــوسه

طبعـــــــــــاً هتـــــــــمــــانعـــــــي

واكــــيد هتــقـــولي امشـــــي ولأه

واول مـــــــــــــــــــــ امشـــــــــــي

هـتقـــــــولـــــــــــــــي استــــــــني

سبني افكر ... تيجي عندي الشـقه

كلمني شكراً

وبعيد عن السامعين

انا اتخرست فجأه

بدال اه قولت لأه

والقلب وقف مكانه

وعطل وعايزله زقه

فوشي خبطت كلام

وسابتني حيران فيه جداً

ازاي هــــــــا قصادي

وتبعتلي كلمني شكرً

ماتش الاهلي

يوم ماتش الاهــــــــــــلي

يوم ماتش الاهلي

كان معادنا نتقابل ونفضت لـــ اهلي

الشارع كلو كان فاضي

والمنظر كان شكلو غريب

عدت ساعه علي معادنا والشوق كان مرعب

فجأه بعتتلي رساله

بتقولي انسي مش جايه

انا قاعده اتفرج علي متعب

بلـــــــــــــــوج

ياللي اخترعت البلوج

قولي بـــــــس ازاي

اعمل حيــــاتي بلوج

بمزاجي اعملها عنوان

واعدل فيـــها كمان

وفـأي وقــت الغيها

كأنــه والله مــ كان

في المترو

انا قاعد في المترو ومستنيها

وعنيا بتوصف فيها

عدت واحده

وآدي التانيه

والتـــــــالته

راح أملي فيها

سبت المترو مشيت بعديها

كوبري قصر النيل

كوبري قصر النيل عام 1900 قبل ظهور الحبيبه

يا كوبري قصر النيل العاشقين مالياك

وبرضه مستوعبهم

وبتقول انك حاسسهم

حتي وهما بعيد

تسمحلي استعبط واسألك

بتحس ازاي وانت قلبك حديد

خروج عن النص

الدنيا دي سيما ..

فيها كومبارس وفيها نجم كبير
وانا دوري كومبارس

في مشهد واحد

مع نجم بيقول في غناوي كتير
في مشهد ضخم لناس فرحانه
وشوت بسيط لحزن كبير
الحزن ده فيا
وقلت كلام بره النص
المخرج قال ستوب وبص
وفجاه لاقتني بره الكادر
ذياده عن حزني اتاخد غدر

ياعم ليه ماتسبني لهمي

هو المتفرج راح هيحس

خروج عن النص

ــــــــــــــــــــــــــــــــــــــــــــــــــ

صوره ل: شريف صبري

حل الازمه مش بالتغير .. لا بالنسف

شراب وجزمه معفنه

ـــــــــــــــــــــــــــــــــــــــــ
شراب جديد وجزمه فيها النعل داب
وخروم كتير خلتها تشبه للدولاب
تفتكري.. لو جزمه حالتها دي
شراب جديد يقدر يحوش عنها التراب

علشان كده انا وانتي صعب نبقي صحااب

------------------------

انا وهيا مشروعي القادم

دي عباره عن مخلص قصه حب حقيقيه من كتر العذاب الي فيها تحولت لسخريه

لاذعه .... انا وهيا مشروعي القادم

SOOOON

ـــــــــــــــــــــــــــــــــــــــــــــــــــــــــــــــــــــــــ

انـــــــــــــــــــــــا وهـــــــــــــــيا

ـــــــــــــــــــــــــــــــــــــــــــــــــــــــــــــــــــــــــ

انا وهيا
لما تبقي عيوني دار

تبقي هيا زي المطافي

والقلب شارع في الانتحار

وتعدي ولا تقول عوافي

*****

لما ببقي مشتاق لها

وناسي الرادار وسايق لها

هيا تبقي زي لجنه

ساحبه رخصي بجهلها

*****

لما بزعل هيا تبقي كانز ساقع

لما بفرح تكنسل عليا

وتبقي زي موبايل جميل

بس خطه مسحوب وواقع

لما اكتب شغلتها تبقي زي اسكانر

بيسحب كام معاه صور

علي جهاز هارده ضايع

*****

اناوهيا باختصار

دايما غرامنا ضرب نار

واختلاف علي لقمه حاف
او حتي علي شوربه خضار

*****

أنا وهيا سواق وتباع
شغالين علي تويوتا ياباني
عايشين بشعار جميل

العربيه في داهيه

بس محدش يسيب التاني

***

حلمي القادم

هيثم ابوعقرب

مصر في الوقت الحاضر

مصر في الوقت الحاضر

ـــــــ

اهم حاجه عند

بناتها
انهم يلبسوا ويشحنو الموبايل

حتي لو مش هياكلو

ولا يشربو ولا ينامو

واهم حاجه عند

شبابها
يتكيفو

ويلفو

ويناموووو

تصوير: هيثم ابوعقرب ...

تفتكر ايه حل الاكتئاب

اسوا اختراع في العالم
الموبايل لانه خلي الناس تقدر تلاقيك

بسرعه

ولو حبيت تهرب وتقفله
بتزود قلق الناس الي بيحسوك عليك

ـــــــــــــــــــــــــــــــــــــــــــــ

احساسي مكسور ؟؟

ــــــــــــــــــــــــــــــــــــــــــــــ

مفيش حاجه اسمها احساس مكسور

متبقاش عبيط.. طول مانت سليم جسميا

انسي ان حد يسالك .. ده من ايه ؟؟
عمرك حد سالك ايه اللي كسر احساسك

ولا عمرك حد جابلك كليو برتقال

وجه زارك علشان احساسك مكسور ؟؟

السبب الرئيسي للخيانه

ـــــــــــــــــــــــ

لو حطينا قلوبنا علي بعض

وبقينا بجد مش بنبيع
وبقينا ناس كتير قلوبها علي بعض
تفتكرو لما تكتر القلوب علي بعض
ومنلاقيش مكان نحطها فيه
ايه الحل ؟؟ اكيد هنطر نبيع

ـــــــــــــــــــــــــ

الانفصام بين الجوهر والمظهر

صاحبتك ده اسم شيك
لاي واحده من كتير
عايز لهم اندكس كبير
علشان يا دوب يشيل نمرهم
وعنوان سكنهم والغرز
صاحبتك ده اسم شيك
لاي واحده قدام صحابك
تقول عليها ضمن الموزز

شويه حاجات لبها

-1-

غير اني عاشق
حاجات كتير ممكن توصفني بيها
اولها عبيط وتانيها اهبل لاني بحب واحده عمري مابصيت في عنيها

-2-

اجمل حاجه في كل ملامحك انها بتقول غير اللي في قلبك
اصل ملامحك شغاله بريموت
تدوسي عليه
علي طول يخفي ملامح حبك ؟؟
-3-

اصفر يعني لون الغيره واحمر يعني لون الشوق
معني كده لو حطينا الاحمر ع الاصفر

مع اتباع قواعد الالوان
هيدينا برتقالي
ياتري نقدر نقول عليه لون الحب؟

-4-

انا خيالي بدرجه عاليه ونبض قلبي رومانسيه
وانتي حاسبها مكاسب واخده الحياه دي واقعيه
صعب جدا النهايه تبقي كده
بس قولي يعملي ايه بركان هوي قصاد جبل من التلج ما بيحس بيا

ممكن اكون ميت
وجايز اكون عايش
ومش لاقي حد ياكدلي

واحده من الاتنين
لسه بيعاملوني كأني من العايشين
مع اني قطعت علاقتي بيهم
وعملت جنازه ليا
الي حضرها اتنين
قلبي وقلبها

------------------

إ اهداء خاص : ل عمر طااهر

الحب ؟؟

الحب عباره عن اتنين
كل واحد بيشوف التاني من بعيد
ويعيش علي امل انه يقربله
ويبتدي اللي واقف في اول الطريق
واللي واقف الناحيه التانيه
يقربو من بعض
لحد ما يبقو في وش بعض
بيقفوا ثواني بتركيز
لكن مع الوقت

كل واحد بيبتدي يبص الناحيه التانيه
ويمشــــــــــــي

الحشيش

الحشــــــــــــــــــيش

قالو عليه ياعم مش مخدرات

ده مزاج الباشا ويا الجنرالات

والملوك سايباه للشعب مسكنات

الشباب قالت عليه حلو في سجاير

والبنات قالت ياريته يبقي في كبسولات

وطلعت فتاوي بين البشر

قليليه من المحلـلات

طب قليه نحسبها ازي

بالدبوس

ولا نعد الكوبيــــات

انا وهيا

انـــــــــــا وهــــــــــيا

حبيبتي وانا حالتنا غريبه

بنحب بعض من سبع سنين

منهم 5 في السيلنت

وسنه ميسدات

والسنه دي حسب الرصيد

بس يانا يا هيا

مش حبيتي طبعا

لا البت بتاعت فودافون

بنات الايام دي

البنـــــــــــــــات

.. ايامنا دي صبح البنات فيها يادوب زي القرود

تضحك في وشك

وتطيع اوامرك

طول منت رامي ليها فاكهه

انشاله حتي مليانه دود

واول م يخلي جيب سيادتك

وتنسي مره ترميلها

حاجه تروح لاول حد غيرك

معرفش لسه طبع القرود؟؟